10 Februarie 2025

1 Korintiërs 6:12-20

As jy honger is en 'n behoefte aan kos het,  is dit 'n gewone menslike drang, maar die seksuele drang is anders. Dit is nie net bloot fisies nie maar eintlik het die seksuele 'n geestelike impak in jou lewe.
Moet dit nie hanteer soos honger of dors en dink jy is so gemaak nie, nee jy is vir geestelike intimiteit gemaak!
Die seksuele laat jou help besef dat Jesus, ons Bruidegom, alleen met ons wil intiem wees. Die huwelik, een man met een vrou, is die mooi prentjie daarvan.
Seksuele losbandigheid vernietig daardie beeld vir 'n persoon en almal om hom of haar.
Jou liggaam is 'n tempel van die Heilige Gees! Daarom is 'n seksuele sonde teen jou liggaam en teen God se tempel, want dit breek die kosbare eksklusiewe intieme verhouding wat Hy met jou wil hê heeltemal af.

Here U is so lief vir ons dat U ons 'n unieke beeld van die uitdrukking van liefde gegee het: intimiteit!
You are the Lover of my soul!