12 Julie 2024

Lukas 8: 22-39

Op die see van Galilea maak Jesus die storm stil. Hy sou dit weer doen op ñ ander geleentheid, maar vir daardie keer het dit hulle toegelaat om na die oorkant van die meer te seil.
Daar net buite die heidense (nie-Joodse) dorp van Gadara kom Jesus en Sy dissipels af op ñ duiwel besetene.
Geweldig baie duiwels het in hierdie nie-Joodse Gadarener gebly.
Jesus jaag hulle in die varke, wat onrein diere vir jode was, in en hulle storm oor ñ krans in die meer in.
Die varke verdrink en die demone eindig tog weer op in die onderwêreld, die hel.

Here, mag ons U grootheid raaksien soos die dorp se mense en U vrees soos hulle gedoen het,
Maar mag dit ons U meer laat soek eerder as om U weg te wys soos Gadara gedoen het.
U is die Bevryder!