06 Augustus 2024

Dinsdag 6 Aug

Psalm 33

Die God van die heelal het gekies om ons te kom red en toe deur Sy Gees in ons wedergebore harte te kom woon.

Psalms 33:3, 6, 21-22 DB
[3] Kom sing ’n lied met splinternuwe woorde! Juig oor Hom. Eer Hom! Sing en maak musiek uit julle hart uit!

[6] Deur net ’n woord te sê het die Here die blou hemelkoepel gemaak. Al die sterre, planete, mane en sonne het deur sy krag ontstaan.

[21] Omdat ons op Hom vertrou, maak Hy ons lewe vol met blydskap. Hy is totaal anders as mense. [22] Ons vra dat U ons altyd sal liefhê, Here. Ons kyk elke dag op na U.

Vader, ons kies vandag om die Naam van Jesus groot te maak bo alle name. Wanneer ons JESUS oplig trek Hy mense nader na Hom. Ons sing ń splinternuwe lied oor U goedheid en U Almag. U spreek een woord en die heelal kom tot stand.

U maak ons vol met blydskap. Ons kies om U altyd lief te hê!

U is goed! U is God!
U is IN my! U is my Vader!