30 Maart 2025

1 Korintiërs 15:35-49

Mense wil voortdurend weet hoe ons gaan lyk wanneer ons uit die dood opstaan. Paulus verduidelik dit met ń vergelyking van  ń saad wat eers in die grond gesaai word, sterf en daarna lewend word in die vorm van ń plant wat weer dieselfde saad voortbring.

Ons menslike liggame is as gevolg van sonde swak, verganklik en vol oneer. Ons gaan egter opgewek word in krag, heerlikheid met ń onsterflike liggaam.

Jesus, die laaste Adam, is opgewek as ń lewemakende gees. In Christus word ons ook eendag opgewek met verheerlikte liggame wat in heerlikheid saam met Hom gaan leef.

Jesus dankie dat U vir ons lewend geword het en in U is ons gees nou reeds lewend gemaak na ons wedergeboorte. Ons gaan saam met U lewe tot in ewigheid.

U is Die Opstanding en die Lewe!

(Johannes 11:25)